LAJMI I FUNDIT
Home . Kryesore . A do kaloi Xhafa nesër mbi trupin e “Çizmes” dhe të Lulit?

A do kaloi Xhafa nesër mbi trupin e “Çizmes” dhe të Lulit?

Nesër, qytetarët shqiptarë do të shikojnë një nga rastet më të rralla të vetëflijimit! Kryetari de jure i opozitës, Lulzim Basha dhe kryetari i shoqatës numër 33 të të “Përndjekurve të Tredhur”, ish-bashkëpuntori i sigurimit me pseudonimin “Çizmja”, do të vetëflijohen si kurban para Ministrisë së Brendëshme në shenjë respekti, për betimin e bërë në Çadrën e Lirisë, përpara gjithë popullit, që e ka vizituar dhe ka marrë bekimin e saj, sikur të ishte “Kisha e Laçit”.

Por, ka një ndryshim mes Kishës së famshme të Laçit dhe çadrës së famshme të Bulevardit. Në kishën e Laçit, njerëzit dhurojnë, luten dhe japin… për të marrë bekimin, kurse në çadrën e bulevardit, njerëzit paguhen, ushqehen, dehen, shajnë dhe ulurasin për të marrë… hiçin.

Mirëpo, nesër do ndodhë diçka e veçantë shumë e rëndësishme, për çadrën e mërgatës. Udhëheqësit, më në fund do e tregojnë veten si “burra bese” dhe “fjale”, jo si gënjeshtar dhe mashtruesa. Të dy “heronjtë” nuk do të vetëdigjen, duke u lyer me benzinë, siç lyen dhe dogjën tragjikisht Lirakun. Ato do të shtrihen tek dera e ministrisë me batanie leshi dhe do presin të vijë ministri.

Aty është finalja: Nëse ai do kaloi mbi trupat e tyre dhe do futet në zyrë, dy heronjtë do sakrifikohen, duke mos dalë kurrë më nga çadra, duke e konsideruar veten të “vrarë”. Nëse ministri kthehet dhe jep dorëheqjen, atëherë çadra do mbyllet, qeveria do iki dhe nuk ka flijim. Kauza e çadrës fiton dhe bashkë me të humbasin gjithë çadristët rrogat, racionet e qofteve dhe shishet e birrës.

Në fakt, ne nuk e duam këtë gjë. Ne, nuk duam që Tiranës t’i mbyllet një Qendër Sociale, me hotel dhe ushqim falas, për njerëzit që udhëtojnë për punët e veta në Tiranë dhe që nuk kanë mundësi të paguajnë për të fjetur, ngrënë e pirë kaq mirë, pa pasur asnjë qindark në xhep. Ashtu siç ka premtuar kryetari i çadrës, ne këto standarte presim: ha, pi, rri, mos paguaj! Shpresojmë që burrat “trima” të kthehen në çadër, që çadra të ketë jetë të gjatë dhe hallexhinjtë të brohorasin me gjithë shpirt: Rroftë çadra! Rrofshin çadrat!/Tellalli.al/

Mos humbisni:
Ftesa që Partia Demokratike s’do ta marrë kurrë!

Close