LAJMI I FUNDIT
Home . Aktualitet . Akuzat për falsifikim! Balla: Vepra e rënda nuk mund të hetohen dhe gjykohen nga “KÇK”! Lulin e pret SPAK

Akuzat për falsifikim! Balla: Vepra e rënda nuk mund të hetohen dhe gjykohen nga “KÇK”! Lulin e pret SPAK

Kryetari i grupit parlamentar të Partisë Socialiste, Taulant Balla ka reaguar ditën e djeshme në lidhje me lajmin se kryetari i Partisë Demokratike, Lulzim Basha po hetohet nga Prokuroria për falsifikim dokumentesh dhe se dosja në ngarkim të tij është përgatitur tashmë për në gjykatë.

Përmes një statusi në rrjetet sociale, Balla shprehet se numri një i PD ka një sërë akuzash mbi shpinë dhe se sipas tij, kryedemokrati nuk mund t’ia hedhë dot vetëm me akuzën si falsifikator. “Lulzim Basha nuk mund të gjykohet vetëm si falsifikator. Prokuroria në dokumentin e bërë publik ka vërtetuar pagesën 500 mijë dollarë & vepra tjetër penale për të cilën u akuzua “Pastrimi i produkteve të veprës penale ose veprimtarisë kriminale” qëndron.

Pse në konkluzion kjo akuzë mungon?”deklaroi ai. Më tej, deputeti socialist, Taulant Balla theksoi se dosja në ngarkim të Lulzim Bashës duhet të hetohet nga Struktura e Posaçme Antikorrupsion dhe jo nga prokurorët dhe gjyqtarët e korruptuar sikundër ka ndodhur deri më tani me çështjen në fjalë.

“Teksa shqiptarët presin të ngrihet SPAK është e papranueshme që prokurorë të caktuar të bëjnë amnisti për vepra penale kaq të rënda. Gjykata nuk duhet ta pranojë dhe duhet ta rikthejë për hetim. Kjo dosje duhet të hetohet nga SPAK jo nga KÇK”, u shpreh ai. Ndërkohë, po dje në një shënim të dytë në rrjetet sociale, deputeti Balla publikoi edhe foto nga vendimi i prokurorisë që tregon se Lulzim Basha është marrë i pandehur për falsifikim dokumentesh.

“Për të qenë të qartë me publikun: I pandehuri: Lulzim Basha i biri i Xhelal dhe i Remzije i datëlindjes 12.06.1974, lindur dhe banues në Tiranë, Pallati afër ish Hotel Sheraton, me gjendje civile i martuar, me shtetësi shqiptare, me gjendje gjyqësore i pandehur, hetuar pa masë sigurimi. Akuzuar se ka kryer veprën penale të “Falsifikimi i vulave, i stampave ose i formularëve” dhe të “Pastrimit të produkteve të veprës penale ose veprimtarisë kriminale” të parashikuar nga nenet 190/3 dhe 287-ç/2 të Kodit Penal. Është vërtetuar se ka paguar 500mijë dollarë+ 175 mijë dollarë= 675 mijë dollarë (ka deklaruar se i ka paguar 500 mijë dollarë edhe publikisht). Këto para i ka siguruar me punë të ndershme? Kaq për sot”, nënvizoi kryetari i grupit parlamentar të Partisë Socialiste, Taulant Balla.

Loading...
More in Aktualitet, Kryesore
Video/ Të ecësh përmes zjarrit, qielli ngjyroset portokalli në Australi

Close