Home . Lifestyle . Amal dhe George Clooney me zemër të artë, “adoptojnë” një të ri iraken

Amal dhe George Clooney me zemër të artë, “adoptojnë” një të ri iraken

Amal Alamuddin dhe George Clooney vazhdojnë të jenë të impenjuar me aktivitetet e tyre sociale dhe mondane. Këtë herë çifti i famshëm ka vendosur të ndihmojë një student nga Iraku, i cili është larguar nga vendi i tij, për të qëndruar në Amerikë, duke i dhënë atij mundësi të studiojë në Universitetin e Chicago.
’Pasi ka humbur gjithçka ka kërkuar drejtësi jo hakmarrje’.

Kështu Amal ka treguar për David Letterman motivet e këtij gjesti.

Gjithmonë të vëmendshëm ndaj asaj që ndodh në botë dhe të prekur nga historia dramatike e Hazim Avdal, (kështu quhet djali), George dhe Amal kanë vendosur ta ndihmojnë, duke e ftuar në Shtetet e Bashkuara të Amerikës dhe duke i financuar studimet në Universitetin e Chicagos. Lady Clooney është gjithmonë në kontakt me këtë komunitet duke mbrojtur gratë që janë rrëmbyer dhe shfrytëzuar nga xhihadistët e Isis.

Djali tani jeton në Vilën e Clooney në Augursta, në Kentucky dhe frekuenton universitetin me nota shumë të mira. ’Më kujtohet se mbeta shumë e prekur nga kurajo e tij, nga shpirti i tij dhe nga dëshira për drejtësi, jo për hakmarrje, pavarësisht asaj që kishte kaluar’, ka treguar Amal, e cila punon për të drejtat e njeriut.

“Hazim na tregoi për ëndrrën e tij për të studiuar në Shtetet e Bashkuara dhe besoj që për momentin si unë ashtu edhe George kemi menduar që mund të bëjmë diçka për të’, ka thënë Amal.

Cifti ka marrë shumë për zemër këtë komunitet dhe ka dashur t’i dhurojë këtij të riu një shpresë për të ardhmen. Një tjetër hap i rëndësishëm në jetën e çiftit, që pikërisht disa ditë më parë ka festuar 40 vitet e Amal.
(da.xha/BalkanWeb)

Komento
Loading...
Mos e Humbisni
Të “larguarit” e dhjerë… por milioner?!

Close