LAJMI I FUNDIT
Home . Aktualitet . Basha “peng” i amerikanëve, mungesa e dëshmisë së Nicolas Muzin ngec hetimet për dosjen e lobimeve, SHBA vendos fatin e kreut demokrat

Basha “peng” i amerikanëve, mungesa e dëshmisë së Nicolas Muzin ngec hetimet për dosjen e lobimeve, SHBA vendos fatin e kreut demokrat

Kreu demokrat Lulzim Basha duket se ka mbetur peng i amerikanëve. Lobimet në SHBA përmes rusëve kanë tensionuar shumë marrëdhëniet e tij me SHBA dhe zhvillimet e ditëve të fundit tregojnë se ai është në dorë të Uashingtonit. Prokuroria ka nisur hetimet ndaj tij për fshehje të financimeve, por afatet janë shtyrë me 3 muaj, pasi prokuroria është në pritje të letër-porosive.

Por gazeta ka mësuar se hetimi po mbahet “peng” nga autoritet amerikane, të cilat nuk kanë sjellë të gjitha dokumentet e kërkuara. Fillimisht mbërritën në Tiranë të gjitha kontratat e firmosua mes kreut demokrat dhe kompanisë lobuese. Por prokuroria ka kërkuar dhe një dëshmi të dhënë nga Nikolas Muzin, personi që kontraktoi Bashën për të lobuar në SHBA. Ky i fundit u vendos nën hetim në SHBA dhe u mor në pyetje nga autoritetet amerikane. Por dëshmia e dhënë para hetuesve nuk ka mbërritur në Tiranë. Aty ai jep versionin e tij mbi marrëveshjen me Bashën. Autoritetet amerikane nuk e kanë sjellë dhe duket se Basha është në dorë të tyre. Nëse vjen ajo dëshmi, prokuroria mund të sigurojë prova të forta kundër kreut demokrat. Pra fati i liderit të PD varet nga Uashingtoni.

Dosja e SHBA

Në letër-porosinë që prokuroria dërgoi fillimisht në SHBA, ishin shkruar një sërë pyetjesh, ku së pari kërkohej të dihej nëse ka pasur marrëveshje mes PD dhe kompanive “Biniatta Trade LP” e “Muzin Capitol Partners”. Në përgjigje të SHBA, është konfirmuar që ka pasur një marrëveshje të tyre. Më pas është kërkuar të dihet shuma që Muzin ka deklaruar si të ardhura nga pakti me demokratët. Në përgjigje Departamenti Amerikan i Drejtësisë i ka vënë në dispozicion të gjitha kontratat. Një pjesë e madhe e tyre dihen, por prokuroria i kërkoi ato në mënyrë zyrtare dhe ato janë të vulosura në mënyrë që të shërbejnë si prova nëse çështja shkon në gjykatë. Në dosje janë të gjitha kontrata që janë firmosur nga Basha me “Biniatta Trade LP” dhe “Muzin Capitol Partners” për vitin 2017, shoqëruar me vlerat përkatëse dhe me detyrat që PD kishte ngarkuar ndaj kontraktuesve. Po ashtu prokuroria ka marrë një fashikull, ku tregohet se si krejt papritur “Muzin Capitol Partners”, ndryshoi bilancet e saj në Departamentin Amerikan të Drejtësisë dhe deklaroi e ishte paguar 3 herë nga PD. Dy herë, para janë derdhur nga vetë PD dhe një herë pagesa është bërë nga “Biniatta Trade LP”. Në adresë të Muzin Capitol, PD ka bërë një pagesë në muajin mars dhe një në muajin qershor. Ndërkohë në fund të marsit është bërë një pagesë nga “Biniatta Trade LP”. Gazeta ka mësuar se nuk përputhen deklarimet që ka bërë Nicolas Muzin në Departamentin Amerikan të Drejtësisë me ato që ka deklaruar PD në KQZ.

Deklarimi i financave

Gazeta ka siguruar tabelat e plota me të gjitha derdhjet që janë bërë në arkën e kompanisë në emër të Partisë Demokratike. Sipas dokumentit, pagesa e parë është kryer më datë 24.03.2017 nga “Biniatta Trade LP” në vlerën e 150 mijë dollarëve, në emër të PD. Pagesa e dytë është bërë nga vetë Partia Demokratike më 27.03.2017 në vlerën e 25 mijë dollarëve. Ndërsa është deklaruar gjithashtu se në datë 09.06.2017 janë pagur nga PD 500 mijë dollarë. Po ashtu janë deklaruar disbursime me vlerë 103.109 dollarë, nga kompani të ndryshme përgjatë 8 datave të ndryshme. Deklarimet janë bërë zyrtarisht në një dokument me 13 faqe dhe rezulton se ka pasur dy pagesa nga vetë PD me vlerë 525 mijë dollarë. Një nga “Biniatta Trade LP” në vlerën 150 mijë dollarë. Dhe ka pasur pagesa të ndryshme në vlerën e 103 mijë dollarë. Në total kemi një pagesë prej 778 mijë dollarë. Kontrata e katërt që rrezikon të fundosë PD është dhe ajo që “Muzin Capitol” ka firmosur me “Baron Public Affairs”. Kësaj kompanie i janë pagur nga 3 herë nga 15 mijë dollarë, pasi ajo ka shërbyer si kompani konsulte për “Muzin Capitol”, me qëllim që të realizohej marrëveshja me PD. Pra prokurori ka zbërthyer gjithçka dhe Basha mund të përfundojë në gjykatë shumë shpejt.

Kliti Topalli

Loading...
More in Aktualitet, Kryesore
Rama i përvishet Litës: “As të njoh, tani po të shoh për herë të parë!”

Close