LAJMI I FUNDIT
Home . Aktualitet . BB vlerësoi maksimalisht projektin e Ndihmës Ekonomike, Rama: Ja pse çfarë janë thënë deri sot kanë qenë të pavërteta

BB vlerësoi maksimalisht projektin e Ndihmës Ekonomike, Rama: Ja pse çfarë janë thënë deri sot kanë qenë të pavërteta

Skema e re e ndihmës ekonomike e miratuar nga qeveria Shqiptare ka marrë mbështetjen e plotë dhe vlerësimet nga Banka Botërore.

Banka Botërore përmes një deklarate thkeson se progresi i arritur deri tani ne zbatimin e projektit eshte vleresuar si i kenaqshem. Rezultatet e arritura tregojne qartë qe projekti po arrin objektivat dhe qellimet e tij kryesore.  Bazuar ne anketimin kombetar zyrtar te familjeve (Anketimi i Buxhetit te Familjeve) jane shenuar permiresime ne targetimin e programit.

Krahas këtyre vlerësimeve të Bankës Botërore e cila thkeson se  ky projekt mbeshtet perpjekjet e qeverisë  për të targetuar në menyrë me efikase burimet për shtresen më te varfër dhe në nevojë, ky institucioni ka rrëzuar deklaratat e njëpasnjëshme të opozitës, e cila në çdo seancë parlamentare paraqitet me tekste të tejzgjatura deklaratash plot figuracione letrare për të pordhuar dramë dhe show të panevojshëm në lidhje me këtë skemë e cila sipas tyre ka përjashtuar shumë individë nga përfitimi i ndihmës.

Mbi kete deklarate te BB, ka reaguar edhe kryeministri Rama ne FAcebook ku ndersa ka shperndare deklaraten eshte shprehur se ato qe jane thene deri me sot nga media dhe politika kane qene te paverteta.

Deklaratat e Partisë Demokratike dalin qartësisht të pabaza dhe inskenime poltike për tu bërë forcërisht ” të pëlqyeshëm” para elektoratit që po humbin dita-ditës duke mos kursyer as shtresat në nevojë për ti bërë pjesë të popagandës së tyre.

POSTIMI I PLOTE I KRYEMINISTRIT RAMA NE FACEBOOK:

BANKA BOTËRORE REAGON NDAJ TË PAVËRTETAVE MEDIATIKE PËR NDIHMËN EKONOMIKE

Deklaratë e Maryam Salim, Menaxhere e Zyrës së Bankës Botërore në Shqipëri:

Ditët e fundit kemi vërejtur me shqetësim disa raportime të pasakta të publikuara në media në lidhje me Projektin e Modernizimit të Asistencës Sociale në Shqipëri, financuar nga Banka Botërore.

Objektivi kryesor i këtij projekti është mbështetja e zbatimit të reformave për të përmirësuar barazinë dhe cilësinë e programeve të asistencës sociale në Shqipëri. Ky projekt mbështet përpjekjet e qeverisë për të targetuar në mënyrë më efikase burimet për shtresën më të varfër dhe në nevojë, duke përfshirë në Programin e Ndihmës Ekonomike, të varfërit që ishin përjashtuar më parë dhe duke pastruar skemën përmes reduktimit të rasteve të mashtrimeve dhe gabimeve. Projekti është hartuar mbështetur në eksperiencën ndërkombëtare që lidhet me fuqizimin e programeve të asistencës sociale.

Procesi pilot për zbatimin e formulës që përcakton të drejtën për përfshirje në Programin e Ndihmës Ekonomike ka filluar që në vitin 2014 në tri rajone (Tiranë, Durrës dhe Elbasan), të cilat përfshijnë gjysmën e popullsisë së vendit dhe që nga janari i këtij viti po shtrihet në shkallë kombëtare. Ky është një proces i gjatë me përmirësime të vazhdueshme për të shmangur pasaktësitë në targetimin e grupeve të duhura në nevojë.

Progresi i arritur deri tani në zbatimin e projektit vlerësohet si i kënaqshëm. Rezultatet e arritura tregojnë qartë që projekti po arrin objektivat dhe qëllimet e tij kryesore. Bazuar në anketimin kombëtar zyrtar të familjeve (Anketimi i Buxhetit të Familjeve) janë shënuar përmirësime në targetimin e programit si p.sh. përqindja e përfitimit të Ndihmës Ekonomike për 10 përqindëshin e grupit të më të varfërve është rritur nga 34 përqind në vitin 2009 (si viti bazë) në 45 përqind në vitin 2015. Ndërkohë, mbulimi i 10 përqind të grupit me të ardhura më të larta në kategorinë e përfituesve është ulur, si rezultat i kontrolleve dhe inspektimeve më të forta për të shmangur abuzimet. Pritet që mbulimi i përgjithshëm i më të varfërve të rritet bazuar në të dhënat zyrtare më të fundit.

Projekti i Modernizimit të Asistencës Sociale është hartuar në bashkëpunim të ngushtë me qeverinë shqiptare dhe ka nisur që prej vitit 2012 nga Ministritë përkatëse dhe Shërbimi Social Shtetëror. Banka Botërore ka ndjekur së afërmi procesin e zbatimit të tij, duke ofruar këshillim dhe mbështetje të vazhdueshme.

Loading...
More in Aktualitet, Ekonomi
Strategjia haxhiqamiliste e opozitës kundër Shqipërisë!

Close