LAJMI I FUNDIT
Home . Aktualitet . “Duhet të qepin gojët lërini p*rdhët me agjentë”! U shoftë ajo politikë që urdhëron burgosjen e kundërshtarit!

“Duhet të qepin gojët lërini p*rdhët me agjentë”! U shoftë ajo politikë që urdhëron burgosjen e kundërshtarit!

Ish-ministri i Drejtësisë Ylli Manjani ka reaguar për vendimin e Krimeve të Rënda për ish-ministrin e Brendshëm Saimir Tahirin. Në një postim në Facebook, Manjani shkruan se nuk kishte asnjë dyshim se akuza penale për trafik e korrupsion, do binte turpshëm ashtu siç u stis. Ish-ministri deklaron se parimi ka fituar mbi individin, ndërsa thekson se askush nuk mund të arrestohet apo dënohet pa prova, apo vetëm pse është kundërshtar politik.

“Politika duhet të kuptojë njëherë e mirë se kundërshtari nuk mund të dënohet ligjërisht për motive politike. U shoftë ajo politikë që urdhëron apo uron burgosjen e kundërshtarit, vetëm pse është kundërshtar!”, shkruan Manjani.

Reagimi i plotë:

Ndjesi miks.

Nuk kisha asnjë dyshim që akuza penale për trafik e korrupsion, ashtu siç u stis do binte turpshëm.

Shpërdorimi i detyrës është një vepër penale llastik me origjinë bolshevike, por edhe ajo akuzë e dënim jam i sigurtë që do bjerë në Apel.

Sajmir Tahiri si person ta gëzojë pafajsinë!

Unë mendoj se ka triumfuar parimi mbi individin. Askush nuk mund të arrestohet e dënohet pa prova!

Por, ky parim duhet të zbatohet për të gjithë njësoj.

Politika duhet të kuptojë njëherë e mirë se kundërshtari nuk mund të dënohet ligjërisht për motive politike. U shoftë ajo politikë që urdhëron apo uron burgosjen e kundërshtarit, vetëm pse është kundërshtar!

Publiku duhet të kuptojë se nuk është gjykatës i akuzave juridike, por pronar i votës. Pra politikanin ka në dorë të mos e votojë dhe jo ta gjykojë juridikisht si në kohë të Enverit. Gjyqet popullore janë sjellje diktatoriale.

Të gjithë ata që na hapën barkun me “drejtësinë e ambasadave”, duhet të qepin gojët dhe haletë! Duhet të kuptojnë se drejtësia, politika e ekonomia do bëhen në Shqipëri e nga shqiptarë. Kështu ka qenë e do jetë! Pordhët me agjentë e të dërguar të posaçëm nuk durohen më!

Drejtësia ka shumë punë që ti trajtojë të gjithë njësoj si Sajmirin. Duhet të lirojë nga akuza disa persona, duke filluar me Dritan Zaganin, i cili u dënua si kundërshtar politik dhe jo si shkelës ligji. E kështu me radhë shumë të tjerë që mbahen në burg pa një provë të vetme direkte… Barazia para ligjit është parimi që e bln drejtësinë të besueshme!

Së fundi gjithnjë e më shumë bindem se reforma e vërtetë në drejtësi, pra reforma e procedurave e procesit hetimor e gjyqësor ende nuk është bërë. Kjo që u bë ishte një përsëritje e stërholluar e reformës së plepave të 1993.

Kemi nevojë për të shkulur praktika inkuizitore që na kanë mbetur nga ndikimi i jurisprudencës bolshevike, në sistemin e hetimit e të gjykimit. Se ja, ra ky rasti ti Sajmirit që u pa se sa i pa drejtë është sistemi e ç’lesh reforme është bërë..

Loading...
More in Aktualitet, Kryesore
Në janar të gjitha pronat e politikanëve në skaner: Meta-Berisha më të rrezikuarit e reformës, zotërojnë dhjetra milionë euro pasuri,

Close