LAJMI I FUNDIT
Home . Aktualitet . Greqia thirrje vendeve anëtare të BE-së për të realizuar perspektivën europiane të Ballkanit Perëndimor për të mirën e rajonit

Greqia thirrje vendeve anëtare të BE-së për të realizuar perspektivën europiane të Ballkanit Perëndimor për të mirën e rajonit

Dy ditë pasi Shqipëria dhe Maqedonia e Veriut nuk arritën të merrnin përgjigje pozitive nga Këshilli i Europës për çeljen e negociatave, ka reaguar shteti grek.

Nëpërmjet një deklarate për shtyp Greqia shprehet se do të mbështesë të gjitha vendet kandidate për integrim në BE në kuadër të plotësimit të reformave të kërkuara nga organizmi i Europës së Bashkuar.

Deklarata e MPJ së Greqisë:

Kjo perspektivë u hap në samitin e BE-së të zhvilluar në Selanik në 2003 dhe të cilën Greqia e mbështeti me të gjitha forcat si rruga për konsolidimin e stabilitetit dhe sigurisë rajonale.

Greqia do të vazhdojë të mbështesë përpjekjet e bëra nga vendet e rajonit për të përmbushur kërkesat për anëtarësim në familjen tonë europiane.

Për të arritur këtë qëllim, ne i inkurajojmë këto vende që të qëndrojnë të përkushtuara në rrugën e reformave, të cilat mund të kenë vetëm një efekt pozitiv në qasjen e tyre ndaj Bashkimit Europian dhe në jetën e qytetarëve të tyre.

Në të njëjtën kohë, ne u bëjmë thirrje vendeve anëtare të BE-së që të punojnë së bashku për të realizuar perspektivën europiane të Ballkanit Perëndimor, për të mirën e rajonit dhe vetë Europës.

Loading...
More in Aktualitet
Vendimi negativ për negociatat, Gjermania: Parisi nuk do të jetë në gjendje t’i bllokojë negociatat sërish!

Close