LAJMI I FUNDIT
Home . Aktualitet . Ja kush janë 10 njerëzit më me ndikim në mediat shqiptare! (Foto)

Ja kush janë 10 njerëzit më me ndikim në mediat shqiptare! (Foto)

Lista nuk përmban vetëm botues-pronar, por edhe gazetarë e menaxherë që kanë influencë dhe pushtet real

1. Aleksander Frangaj, arriti që ta shndërronte TV Klan në një nga mediat më të ndjekura në Shqipëri.

frangajMe fitoren e procesit në Gjykaten Kushtetuese për nenin 62 të ligjit për mediat radiotelevizive, zotëron edhe zyrtarisht 100 përqind të aksioneve të medias me shikueshmërinë më të madhe ndër televizionet shqiptare.

alban-jaho2Alban Jaho, drejtori i DigitAlb, paketës më të madhe televizive me pagesë. Me një numër shumë të lartë abonentesh shqiptarë në gjithe botën.

Nuk është protagonist në publik por menaxhon median që qarkullon më shumë para në botën shqiptare mediatike.

vjollca-hoxha3. Vjollca Hoxha, bashkëshortja e të ndjerit Dritan Hoxha, aksionerja e TV Top Channel dhe e DigitAlb.

Ka rikuperuar shumë pushtet real mediatik vitin e fundit, duke pastruar me fshesë të hekurt pothuajse të gjithë “gardën” e dikurshme drejtuese të televizionit.

Ka rikthyer pa shumë shkëlqim deri tani në krye të lajmeve Sokol Ballën. Ndërkohë që Fiks-Fare, një nga emisionet më efikas të Top Media-s është zbehur së tepërmi nga konkurtenca reale e STOP në TV Klan.

4. Mero Baze, botues-gazetar. Me website-n e tij; gazetatema.net, TemA-TV dhe editorialet e mero-bazepërditeshme është bërë një pikë referimi për opinionin shqiptar.

Polemist i lindur, një arkive mediatike lëvizëse dhe modeli i fuqisë se krijuar nga talenti dhe “helmi” ndaj kundërshtarëve, të nisur pothuajse nga hiçi. Ka filluar të shndërroje fuqinë mediatike edhe në pushtet financiar.

hysenbelliu5. Irfan Hysenbelliu, botues i TV News24 dhe gazetave “Panorama” e “Panorama sport”, si dhe website-s balkanweb.

Së shpejti do ketë rival në treg vëllain Kasem Hysenbelliu, deri dje drejtor i përgjithshëm i TV News24, i larguar nga posti ne rrethana të paqarta publikisht.

thoma-gellci-770x470

 

6. Thoma Gëllçi, Drejtor i Pergjithshem i RTSH-së.

Më shumë se pushtet real mediatik, menaxhon një pushtet potencial, të cilin ende nuk e ka futur në punë me eficiensë.

Dixhitalizimi i transmetimeve televizive më 1 dhjetor të ketij viti, dhe drejtimi i një pakete prej afer 15 televizionesh si pjesë të një platforme të TV-ve pa pagesë per publikun shqiptar, ka nisur të trazojë që tani botën e medias në Tiranë.

Mbetet për tu parë se çdo të bëjë me fuqine që i “fali” mazhoranca parlamentare kur mbështeti kandidaturën e tij në këtë post.

blendi-fevziu117. Blendi Fevziu, ia ka dalë që në 20 vjet të mbetet pikë referimi në mediat shqiptare me emisionin e tij “legjendar” Opinion në tv Klan dhe website-n opinion.al. Për shkak të shikueshmërisë së emisioneve, të ardhurave nga pagesat shumë të larta dhe botimet, ia ka dalë që të zërë një vend në këtë dhjetëshe.

qdjh48. Vëllezërit Dulaku që zotërojnë tv Vizion+ dhe paketën televizive me pagese Tring. Kurrë nuk e kanë shfrytëzuar pushtetin e tyre real mediatik publikisht, duke u fokusuar më shumë tek një profil biznesi se sa protagonizmi.

Do të kishin një pozicion shumë më të mirë në këtë renditje, nëse do të ishin pak më agresivë në politikat editoriale.

henri-cili-mapo_14085454199. Henri Çili, botues i botimeve MAPO. Askush nuk mund të vinte bast 20 vjet më parë (as ai vetë, sigurisht) ku një student i ardhur në Tiranë dhe reporter kulture i gazetës Koha Jonë do të ngjitej në këto lartesi sot.

Pak ditë më parë festoi jo vetem 10 vjetorin e Universitetit Europian, ku është pronari kryesor, por edhe 10 vjetorin e mediave të tij. Vetem kalimi në media televizive dhe ato te internetit mund ta bëjnë botuesin që vazhdon t’i besojë medias së printit dhe librave, që të ngjitet më lart në këtë renditje.

sala-300x162_141528096310. Gentian Sala, kryetari i Autoritetit të Mediave Audiovizive (AMA).

Nuk është botues, por pozicioni i tij në krye të auroritetit që rregullon veprimtarinë e kësaj fushe në Shqipëri e bëjnë atë më shumë rëndësi në këtë periudhë shumë të rëndësishme ndryshimesh cilesore dhe sasiore në median shqiptare.

Dixhitalizimi, licensimi i operatorëve, kalimi në online i shumë e shumë mediave, sfida dhe menaxhimi i tyre pritet që në të ardhmen  afërt lista të ndryshojë pikërisht nga lëvizja marramendëse dhe e shpejtë e një tregu mediatik që flet për numra audience shumë më mëdha se tani dhe pa kufij shtetëror dhe burokraci.

Komento
Loading...