Home . Qytetari Dixhital . Ja si i “grabisnin” prokurorja Rovena Gashi dhe sekserja Fatbardha Hajdari “klientët” e saj

Ja si i “grabisnin” prokurorja Rovena Gashi dhe sekserja Fatbardha Hajdari “klientët” e saj

Nga “I akuzuari dixhital”

Pak ditë më parë, pranë redaksisë së gazetës zathur.net, ka ardhur një informacion nga një qytetar i rrethinave të Tiranës. Qytetari kishte marrë shkas nga emisioni “Opinion” i gazetarit Blendi Fevziu, ku kishte shquar ish-prokuroren e Prokurorisë së Tiranës Rovena Gashi, e cila sot mban pozicionin Drejtoreshës së Mardhënieve me Jashtë, në Prokurorin e Përgjithshme. Ja çfarë shkruan ai:

Të nderuar gazetar, rastësisht pashë në Opinion prokuroren Rovana Gashi, një fshatare nga Rrushbulli me origjinë nga Kosova. Zonjusha është dhe njihet si njëra nga prokuroret më të korruptuar të organit të akuzës, për këtë jam e sigurt se e kam provuar në kurrizin tim!

Para disa vitesh, kur Rovi ishte prokurore tek Gjykata e shkallës së parë të Tiranës, më vjen një fletëthirrje nga prokuroria, për t’u paraqitur pranë organit të prokurorisë tek prokurorja në fjalë. Fletëthirrjen e kishte firmosur një djalë nga Durrësi, oficer i policisë gjyqësore ky, që e nihja se çfarë soji ishte dhe kush ishte, prandaj u habita kur e pashë të emëruar aty.

Në atë kohë për Rovin flitej se ishte mikja më e ngushtë e Ina Ramës, ish-Kryeprokurores së Përgjithshme, ndaj i priste shpata në të dy anët. Këtu fillon dhe historia e zhvatjes së personit tim.

Pasi u paraqita në Zyrën e prokurores kërkova të kontaktoi me personin që më kishte bërë fletëthirrjen, por dallaverexhiu i vogël më tha se nuk kam punë me atë por me vetë prokuroren.

Prita gati dy orë, si të isha ushtari i saj dhe më në fund erdhi zonja, e cila mësova se ikte e vinte kur t’i donte qejfi. I thash se kush isha dhe se më kishte thirrur, ajo më pa, më bëri disa provokime pë biznesin që drejtoja dhe në fund më tha se duhet të merrja avokat, pasi kisha një akuzë vite më parë.

I kërkova që të ma thoshte akuzën, por ajo nuk më ktheu pergjigjie dhe u përshëndetëm. Të nesërmen i dërgova një avokat, por çudia ishte se Rovi nuk e pranoj, duke më derguar një njoftim tjetër, që duhet të merrja avokat. I dërgova një tjetër, edhe atë nuk e pranoi.

Fillova të dyshoj, e nuk dija se çfarë të bëja, por duke dalë jashtë takoj një mikun tim shofer pranë prokurorisë, që sot nuk jeton dhe e ftova për një kafe. I thashë se çfarë halli kisha dhe ai buzëqeshi e më tha se do më ndihmonte.

E pyeta se si do më ndihmonte. Ai më tha se do të më çonte tek avokati që do Rovi! Më tregoi emrin dhe adresen. Avokatja ishte Fatbardha Hajdari një gru-burrë me zyrë avokatie përballë derës së prokurorisë.

Kontaktova me Hajdarin dhe që në takimin e parë më kërkoi 500 euro, për të biseduar dhe për të parë dosjen dhe duke më premtuar se do ta zgjidhte çështjen dhe se ajo punonte me Rovin, e se përveç asaj, askush tejtër nuk mbaronte punë me Rovena Gashin.

Pagova eurot, i dhashë fotokopjen e kartës së identitetit dhe u largova. Mbas disa ditësh avokatja e Rovit më thotë se akuzohesha për një vepër penale me kolgeun tim para 4 vjetësh ku unë nuk kisha asnjë një lidhje dhe dosja në ngarkimin tim ishte pezulluar. U habita dhe i kërkova avokates seksere, që ta shikoj.

Nuk ka problem më thotë ajo, por që ta mbyllim duhet 10 mijë euro. Sekserja Rovit e kishte dorën e rëndë! U futa në pazar, por me kusht që të shikoja dosjen. Pasi e pa që po ngulja këmbë, pazari shkoi në 5 mijë euro. Pazari ra, por unë nuk doja të paguaja pa bërë asgjë, për këto dy femra mashtruese.

Kështu që vazhdova ta shtyjë dhënien e parave, për të fituar kohë. Aty më ndihmoi fati se Rovi mori lejen e lindjes dhe dosja kaloi tek një tjetër prokuror, i cili zbatoi ligjin. Këtë histori hapje dosjesh të pezulluar Rovi e bënte vazhdimisht me avokaten Hajdari, për të shantazhuar njerëzit dhe për ti zhvatur ato0.

Mënyra më e lehtë për të fituar. Nëse do bëhet vetingu, do jemi i parë që do deklaroj me prova dhe dëshmitar, se si zhvaste Rovi “klientët” e saj. Ta shohim nëse drejtoresha e Llallës do e kaloi Vetingun, sepse këtu askush nuk beson më! E.H /Zathur.net/

Mos humbisni:
Festoi 25-vjetorin por ‘la nam’ me skenat skandaloze në mes të rrugës (Foto+18)

Close