LAJMI I FUNDIT
Home . Aktualitet . Argetim . Jari e shikon me interes memorialin për “dëshmorët” turq të “grushtit të shtetit”

Jari e shikon me interes memorialin për “dëshmorët” turq të “grushtit të shtetit”

Pas lajmit se në Tiranë është ngritur një memorial për të rënët e grushtit të shtetit në Turqi, Jari vendosi të ndajë me mbështetësit e tij një opinion pro këtij vendimi.

Të dashur demokratë!

Jari ju sqaron.

Jo çdo gjë që bën qeveria duhet ta kritikojmë. Ky memoriali i dëshmorëve turq, në fakt është në favorin tonë dhe kundër qeverisë.

Edhe ne jemi ndeshur me një tentativë për grusht shteti më 21 janar. Dhe ne e shtypëm me forcë, dhe viktima. E vërteta është se nga ana jonë nuk ka të vrarë, por ama ka të burgosur dhe keqtrajtuar.

Ndaj ne duhet ta mbështesim këtë nisëm dhe duhet të detyrojmë qeverinë që ashtu siç respektojnë heronjtë turq, kundër grushtit të shtetit, të respektojë dhe heronjtë tanë, pavarësisht se janë gjallë.

Qeveria është e detyruar tani të ngrejë një memorial për Sali Berishën që urdhëroi me vendosmëri shtypjen e grushtit të shtetit, për Lulzim Bashën që përdori Gardën për t’i vrarë, për heronjtë mediatik të grushtit të shtetit, Sandrin, Tur Zhejin, Fevzon, Lubonjën, dhe gjithë gazetarët e tjerë që i treguan vendin puçistëve, si dhe një përmendore për komandantin e Gardës Ndrea Prendi, qitësin Agim Llupo, etj., që dhanë kontributin e tyre.

Ne e kemi për detyrë t’ia kujtojmë qeverisë këtë detyrim. Nëse ajo nuk e bën, kur të vijmë në pushtet e bëjmë vetë. E rëndësishme është që qeveria e hapi vetë rrugën.

Nga ana tjetër duhet të prishim memorialet e të vrarëve më 21 janar si puçist. Përderisa Turqia nuk i nderon por i burgos dhe pushkaton, ashtu do bëjmë dhe ne.

Në fund të fundit, duhet të respektojmë historinë tonë më heroike gjatë qeverisjes.

Problemi është nëse në Turqi humbet Erdogani dhe fitojnë kundërshtarët, do ta kemi problem, pasi ata mund t’i kërkojnë Edi Ramës ta prishë këtë memorialin dhe ai e prish se nuk e ka problem. Këtë nuk duhet ta lejojmë të ndodhë se është kundër interesit tonë.

I juaji Jari!

Loading...
More in Argetim
Jari zbulon pse Meta frymëzohet nga fati i Milosheviçit!

Close