LAJMI I FUNDIT
Home . Aktualitet . Argetim . Jari kërkon t’i pritet rroga këshilltarit të Merkelit, Martin Henze

Jari kërkon t’i pritet rroga këshilltarit të Merkelit, Martin Henze

Pas vizitës së Ramës në Gjermani dhe takimit të tij të gjatë m Merkelin, Jari e ndeju se revolta e demokratëve ndaj “këshilltarit” të Merkelit, Martin Henze po rritej dhe mund të kthehej në skandal.

Ndaj vendosi të ndërhynte:

“Të dashur demokratë,

Jari ju sqaron!

E di që shumë nga ju janë mërzitur për shkak të shfaqjes së Edi Ramës në zyrën e Merkelit dhe pastaj shëtitjen e tyre bashkë para kamerave.

Edhe më e padurueshme ishte ajo skena kur Rama i dha asaj albumin me piktura të tij, të cilat do ekspozohen në Gjermani.

Ka shumë dyshime se “Këshilltari” i Merkelit, Martin Henze, të jetë agjent i dyfishtë në zyrën e Lulit, ndaj duhen marrë masa.

Unë nuk e kuptoj se si armiku jonë kryesor shkon në zyrën e Merkelit dhe “Këshilltari” i Merkelit, Martin Henze, jo vetëm që nuk i bën dot një telefon Merkelit ta ndalojë vizitën e tij, por bën komente në Tuitter-in e Ramës.

Por ne për komente në rrjete sociale paguajmë Call Center-in e Kunatit, nuk paguajmë “Këshilltarin” e Merkelit, Martin Henze.

Këtë e kemi të na i rregullojë punët me Merkelin.

Ky në vend të na i rregullojë ne, ja rregullon Ramës.

Ndaj unë propozoj si masë të parë ndaj tij, t’i presim rrogën për këtë muaj.

Edhe pse ai rrogën e merr nga një biznesmen i afërt me PD, duhet të ndikojmë tek ai që këtë muaj t’ia heqë rrogën.

Pas kësaj, duhet të shikojmë sjelljen e tij.

Nëse ai vazhdon të mos jetë efiçent në punë, duhet të thellojmë masat e tjera.

Finalja do jetë në tetor.

Nëse Bundestagu voton për hapjen e negociatave, pamvarësisht si vendos Franca, “Këshilltari” i Merkelit, Martin Henze, duhet zbuar me ceremoni nga PD dhe duhet hetuar se mund të jetë i futur nga Edi Rama për të na vënë në gjumë.

Nga burimet e mia, Rama e ka pyetur zonjën Merkel për “Këshilltarin” Martin Henze, por ajo nuk i ka dhënë të njohur dhe i ka thënë që deri më sot, i vetmi ndërmjetës që kam me Lulin, je ti.

Kjo tregon se ky “Këshilltari” i Merkelit, Martin Henze, mund të jetë njeri i Ramës dhe ai e ka infiltruar në zyrën e Lulit, duke na marrë jo vetëm idetë, por dhe lekët.

I juaji, Jari!”

Loading...
Mos e Humbisni
Të mbrojmë teatrin e minjve që “sfiduan” Kadri Roshin!

Close