LAJMI I FUNDIT
Home . Aktualitet . Argetim . Jari mesazh Balliut Junior: Humbëm kauzën, po fituam librin tënd

Jari mesazh Balliut Junior: Humbëm kauzën, po fituam librin tënd

Sot për Jarin, ashtu si për shumë vetë, ishte një ditë e trishtuar.

Shiu i ftohtë i Tiranës, përplasja e banorëve të Astirit me policinë dhe prishja e shtëpive, e kanë ligështuar atë.

Në këto kushte, mendoi t’i dërgonte një letër inkurajuese Balliut Junior, që udhëhoqi për një vit këtë luftë:

“Të dashur demokratë,

Jari ju sqaron!

Sot e gjithë vëmendja ime dhe mendimet e mia shkojnë për Klevesin, njeriun i cili udhëhoqi për një vit protestat te Unaza.

Ai sot është i vetmi njeri i fituar nga kjo betejë.

Njerëzit humbën shtëpitë, të tjerë bizneset, të tjerë dhe u rrahën dhe torturuan, por ai fitoi shumë.

Së pari, fitoi famë si deputet, dhe kjo i ka shtuar suksesin tek femrat, derisa hoqi dorë dhe nga femra shumë të njohura ekranesh.

Së dyti, i dha atij shansin që nuk e kishte ëndërruar në jetë.

Ai i ka pasur tërë jetën zët librat dhe me dhunë shkonte në shkollë.

Por protesta e Unazës e bëri atë shkrimtar dhe ai arriti më në fund ta lexojë një libër deri në fund.

Libri i tij për Unazën do frymëzojë PD-në dhe brezat që vijnë për beteja të tjera si kjo, të cilat do ngelen në histori si revolucione që edhe pse nuk prodhojnë pushtet, prodhojnë pasuri kulturore, si libri i tij.

Së treti, ai ka siguruar me këtë betejë, të drejtën për të qenë deputet i Unazës së Re.

Në zgjedhjet e ardhshme ai nuk ka për të shkuar më në Pogradec, por në Tiranë, tek Unaza e Re, për të qenë lider i përjetshëm i tyre.

Në këtë pike, ai del sërish i fituar.

Ndaj në këtë ditë të trishtuar, porteti i tij është i vetmi ngushëllim që e gjithë kjo betejë e pati një fitim, dhe kjo lidhet me Balliun Junior.

I juaji, Jari!”

Loading...
More in Argetim
Talllje pa fund për “mbrojtësit” e Astirit nga Balliu deri te Lulziu! “Çfarë ka ndodhur tek Astiri sepse isha në gjumë”

Close