LAJMI I FUNDIT
Home . Aktualitet . Argetim . Jari shpjegon kurthin e Edi Ramës me paratë ruse të Lulit

Jari shpjegon kurthin e Edi Ramës me paratë ruse të Lulit

Pas lajmit se Lulit ja hoqën akuzën për pastrim parash dhe i lanë vetëm fallsifikim dokumentesh në PD, plasi një gëzim i madh.

Dukej sikur njerëzit mezi kishin pritur që Luli të quhej vetëm mashtrues dhe fallsifikator, dhe jo pastrues parash.

Në një farë mënyre, ngjante sikur PD e kishte pranuar faktin që Luli lejohet të falsifikojë, por jo të pastrojë para.

Ndaj Jari vendosi t’i sqaronte demokratët:

“Të dashur demokratë,

Jari ju sqaron!

E shikoj që jeni gëzuar shumë, që Luli nuk akuzohet më për pastrim parash, por unë po u them se ai nuk është as fallsifikator vulash e firmash.

E gjitha që ka ndodhur është një skenar ogurzi i Edi Ramës.

Edi Rama me ndihmën e Vuçiç ka gjetur dy ruse bjonde që kanë këto kompanitë offshore, dhe u ka dhënë atyre 650 mijë dollarë që t’ia jepnin Muzinit.

Muzini ka firmosur me Lulin një kontratë për 25 mijë dollarë, por këta ja kanë marrë kontratën dhe ja kanë bërë 675 mijë dollarë, me qëllim që të përfshihet dhe 25 mijëshja që i kemi dhënë nga Tirana me letra.

Ato ruset e kanë kap këtë Muzinin, kanë pirë gjithë natën dhe në fund i kanë thënë po të japim 650 mjë dollarë, se kaluam mirë sonte.

Ai ka refuzuar, pasi duhet t’i deklaronte.

-E kemi rregulluar ne, i thanë ato. Futi në emër të atij shqiptarit që të ka dhënë 25 mijë. Flasim ne me atë.

Muzin është nxituar dhe e ka bërë këtë.

Tani ka ngelur sikur dy ruse, i kanë dhënë Lulit 650 mijë dollarë.

Ato janë para të pastra të Edi Ramës, që do të implikojë Lulin për të krijuar idenë që ja ka dhënë këto para kur bënë marrëveshje bashkë më 2017.

Por nga ana tjetër, Luli nuk e padit dot Muzinin, se e ka mik shtëpie dhe e merr vesh gruaja e Muzinit që ai ka shkuar me dy ruse, dhe e ndan.

Pikërisht këto rrethana shfrytëzon Edi Rama, që të duket sikur po implikon Lulin.

Por e vërteta do dalë në dritë të diellit.

I juaji, Jari!”

Loading...
More in Argetim
Avokat Ngjela “thumbon” opozitën: PD i ka hipur kalit mbrapsht

Close