LAJMI I FUNDIT
Home . Aktualitet . Lexoni dhe shihni se kush është Kaçi i Myftarajve apo “fantazma” e një njeriu enigmatik…

Lexoni dhe shihni se kush është Kaçi i Myftarajve apo “fantazma” e një njeriu enigmatik…

Kaçi i Myftarajve nuk i lë gjë mangut Kaçit të zi në sulmet qesharake me pagesë. Kaçi i zi, një komunist 100 karatësh, na u kthye ne anti komunisto-demokrat, për një karrige që i fali për 4 vjet shoku i idealeve, Sali Berisha. Kurse Kaçi i Myftarajve, sot më duket si një Salianji i plakur, që me të marr një karrige emisioni tek televizioni i Ylli Ndroqit, pra një karrige për të lehur, ai e filloi sulmin ndaj Gjergj Zefit kolegut tonë, jo të atij largqoftë.

Kush e ka lexuar artikullin e botuar nga vet Gjergj Zefi, do ta kuptoi se Kaçi i Myftarajve leh, por nuk kafshon, se nuk ka dhëmbë. Ama për lekë, ai e jep edhe… Premtimi burra burre që i ka bërë Ylli Ndroqit nuk besoj se realizohet, sepse Kaçi i Myftarajve u bë kartë e djegur sepse u nxitua. Nuk priti dhe nga zelli dhe padurimi i’a futi vetes, sepse Ili do e paguaj sa herë të leh. Por ne do botojmë shpesh artikuj të shkruar nga media të ndryshme për “filozofin” e shpifjes Kaçin e Myftarajve që tani fal bamirësit Il Pasmaçiu, ka emisionini e tij në TV Ora News: “Ju flet Moska!”

Ja një shkrim se kush është Kastriot Myftaraj

Kastriot Myftaraj kurre nuk ka shkruar kunder hegjemonise greke ndaj territoreve shqiptare dhe sic do ta shohim edhe me poshte ky person del qe te jete nje sherbetor i zellshem i qarqeve shoviniste greke. Lexoni dhe shihni se kush eshte Kaci i Myftarajve.

Teksti poshte i nenvizuar me portokalli mban firmen e Kastriot Myftarajt- nje individi te çuditshem, pothuaj-fantomatik, qe publiku i gjere e besonte me teper si nje pseudonim deri diten kur Prokuroria e Pergjithshme hapi ndaj tij hetime per akuzat e nxitjes se urrjetjes nder-fetare dhe nderetnike.

Hetimi tani eshte nderprere, por jo veprimtaria e ketij njeriu. Vetem gjate dy viteve te fundit ai ka akuzuar Fondacionin Soros se po ringjall ne menyre ciklike nga regjistrat mesjetare te gjithe elementet me origjine çifute ne Shqiperi dhe po i mbeshtet ata – ku ai perfshin edhe Edi Ramen e Erion Veliajn ,si dhe pervijoi provokimin e meparshem qe tronditi kontinentin duke shpifur ndaj profetit islam Muhammedit kesaj rradhe me nje akuze te pashembullt per “pedofili”.(?!)

Ideja e tij baze eshte ne fakt me shume se utopike. Ajo eshte e rrezikshme. Rikonceptimi kombetar shqiptar ne driten e gegeve katolike, ne formen e nje kombi krahinor te mbiquajtur “alban”- pak a shume si basket(Spanje)- duke propozuar ndarjen e Shqiperise me gjysmen e saj jugore “jo-albane”-sipas tij, per t’u bashkuar me trojet e shkeputura jashte kufinjve nen nje flamur e fe’ kristiane, eshte parathenie shume e trishte e nje nisme qe per shqiptaret eshte qartesisht regresive. Ajo eshte anti-shqiptare. Ne fund te fundit çfare kerkojne me teper qarqet ultra-nacionaliste te Vorio-Epirit?

Eshte interesante se dosja e te dhenave kryesisht personale qe ky individ ka perdorur per te sulmuar shume figura shqiptare,sic ipermenda dhe me siper, i perngjajne si dy pika uji te dhenave qe mbledhin zakonisht sherbimet sekrete, kur pergjojne, skedojne apo hetojne mbi nje individ. Z.Myftaraj asnjehere nuk ka sqaruar se cili sherbim ia ka kaluar atij keto te dhena.

Debati mbi lirine e shprehjes ne fakt tek ky njeri ka kohe qe nuk ben me sens. Ne vitin 2003 ai publikoi Deklaraten e meposhtme, e cila vazhdon te qarkulloje ne internet. Edhe pse e vjeter, kjo Deklarate perben zemren e te gjithe mendimit te tij politik qe ai perpunon ne nivel gazetaresk prej disa vitesh. Per kete po botojme te plote kete Deklarate per te sqaruar te gjithe antaret e ketij forumi se ke, apo çfare perfaqeson Kastriot Myftaraj.

I lindur ne Korçe dhe i rritur ne Elbasan gjate periudhes se regjimit komunist, ky njeri shfaqet i afte te shkruaje sa ne shqipen kohore ashtu edhe ne nje nendialekt te humbur te Mbi-Shkodres, me nje shqipe qe te kujton leterkembimet e prifterinjeve me Seline e Shenjte nga provincat ballkanike te 1,800-es (?!).

Me kete gjuhe tmerresisht te veshtire ne leksik dhe ortografi, edhe per vete banoret e zonave qe ende e flasin ate, Myftaraj ka nenshkruar edhe libra te tere, ndersa e folura e tij normale eshte nje shqipe e mire e kulluar dhe e unifikuar.

Por veç si “firmatar me qera” i teksteve te gatshme me origjine te dyshimte, ky njeri ne fakt perben me shume se nje dukuri komplekse per median shqipe dhe per krejt hapesiren e mendimit shqiptar.

Nuk mjafton te jesh sharlatan per t’u bere i famshem. Myftaraj e di me mire se te gjithe ne, se çfare mekanizmash te tjere ka adoptuar ne kete “mission impossible”.

Sikur Kastriot Myftaraj te ishte nje ”toke” e veçuar e lajthitjes shqiptare, kjo do te ishte gjysma e se keqes. E keqja e madhe eshte se ky Don Kishot i frymes komb-shkaterruese ka mbrojtjen e disa redaksive dhe perkrahjen e disa emrave qe perbejne fatkeqsisht tashme institucione legale intelektuale per Shqiperine,ku dhe herpashere merr frymezim te dyfishte per veprimtarine e tij djallezore.

Ai perfaqeson prej kohesh pararojen e çmendur, “kamikazin” rruge-sheshues per nje rradhe te ngushte luftetaresh “te urte”, qe ne mos plotazi e gjejne teorine e tij pjeserisht te pranueshme dhe e perkrahin ate ne format dhe menyrat e tyre.
Shume prej tezave te kesaj deklarate, as fillojne dhe as mbyllen tek Myftaraj.

Ne shkurt te vitit te kaluar nje gjykate ne Austri denoi me 3 vjet heqje lirie historianin britanik David Irving per “mohim te Holokaustit dhe deklarata antisemite dhe raciste”. David Irving u denua per nje interviste te tij te dhene ne Austri ne vitin 1989.

Austria, e cila ka pasur here pas here ne pushtet edhe parti ultranacionaliste te djathta, nuk eshte i vetmi vend qe ka vendosur rregulla per perdorimin e te drejtes se mendimit dhe shprehjes se tij. E keqja- sidomos ne vendet e perparuara- parandalohet.

Sado e papershtatshme te tingelloje ne shekullin e 21-te censura, eshte ligji ai qe percakton se kush duhet te beje çfare ne keso rastesh. Por detyra jone eshte ta refuzojme kete shantazh kulturor qe na behet ne emer te lirise, sigurisht pasi ta njohim se kush eshte ky njeri dhe se çfare marrezish ka avancuar dhe avancon ne tregun e ideve. Mjafton te lexoni tekstin e tij ne vijim dhe do te shini se leksiku i tij tejet i veshtire eshte perdorur djallezisht.

“Kastriot Myftaraj
Kryetar i Lvizjes për Rikonkuisten Albane
nji nacion alban geg, nji fe kristiane, nji shtet i bashkum nacional

Deklarate

Lvizja per Rikonkuisten Albane (LRA) u drejton ket kumt shqiptarve gege muslimane dhe katolike n’ dy ant e kufinit (trevat e Republikes s’ Shqipnis n’ veri t’ Shkumbinit, Kosove, trevat shqiptare n’ FYROM, Luginen e Presheves dhe trevat shqiptare n’ Mal t’ Zi);
LRA, tuj konsideru se:
-Religjioni islamik qi i asht imponu me dhune shqiptarve n’ dy ant e kufinit shtetnor n’ kohen e okupimit turk, asht shndrrue sot, n’ nji pengese per prosperimin dhe integrimin e shqiptarve n’ boten moderne perndimore s’ cilles i takojne historikisht.
-Religjioni islamik, veqanrisht tash n’ epoken e pas 11 shtatorit 2001, asht shndrru n’ nji rrezik ekzistencial per shqiptart muslimane n’ dy ant e kufinit, kahse nacionet fqije ortodokse, serbt, grekt dhe makedonsat, t’ cillet assesi nuk pajtohen me ekzistencen e ishullit islamik shqiptar n’ Ballkanin Perndimor, n’ ato qi ata i definojne si trevat e veta historike, per shka tash ma teper se nji shekull nuk i pushojne msymjet per eliminimin dhe dbimin e shqiptarve muslimane.
-Se veq 4-5% e shqiptarve gege me origjine muslimane jane muslimane t’ vertete, pra njerez qi besojne tek Zoti dhe Muhamedi si profet i ktij dhe permbushin s’ pakut nji here n’ dite detyrimin islamik per falje, ndersa pjesa tjeter jane thjesht njerez me origjine muslimane dhe nuk njifen si muslimane prej fes islamike.
-Ekzistencen e dallimeve t’ thella etnike, kulturale, gjuhsore mes toskve dhe gegve
-Konfliktin historik-toske-gege, t’ ardhun si pasoje e aspirates historike toske me i nanshtru dhe sundu gegt.
-Shqiptarizmi i krijum sipas shembullit t’ Jugosllavizmit, qi dojte me i bashku serbt dhe kroatet n’ nji nacion t’ vetem, deshtoi me i bashku toskt dhe gegt n’ nji nji nacion t’ vetem, po per ato shkaqe qi deshtoi Jugosllavizmi, aspirata serbe, respektivisht toske per sundim kundrejt kroatve.
-Toskt kane dhane dhe japin prova se ata n’ asnji mnyre nuk e pranojne bashkimin e trevave shqiptare n’ dy ant e kufinit, n’ nji shtet t’ vetem, pasi kshtu permbyset balanca mbrendashqiptare e fuqis, qi n’ Republiken e Shqipnis tash asht lehtsisht n’ favor t’ toskve dhe shtetin e ri nuk e dominojne ma toskt. Prove per mospranimin kah ana e toskve t’ shtetit t’ bashkum nacional shqiptar asht fakti se toskt perdorin, sikur serbt, grekt dhe makedonsit, shprehjen “Shqiperi e Madhe” per ket shtet.
-Toskt, historikisht dhe kontemporanisht kane bashkpunu me nacionet fqije sllave ortodokse dhe ate grek per coptimin, nanshtrimin dhe sundimin e Gegnis, n’ dy ant e kufinit (pjesa e Republikes s’ Shqipnis nalt Shkumbinit, Kosova, trevat shqiptare n’ FYROM, Lugina e Presheves, trevat shqiptare n’ Mal t’ Zi).
-E majta toske n’ pushtet n’ Republiken e Shqipnis (koalicioni n’ pushtet me n’ krye Partin Socialiste), qi prej ardhjes n’ pushtet me revolucion-kryqaten tosko-majtisto-ortodokse, e ka shndrrue Republiken e Shqipnis n’ nji Republike Vorio-Epirote, gjegjsisht koloni greke, ku po ecen me ritme shume t’ shpejta fushata ortodoksizuese me profil helenizues e ndermarre kah Kryepeshkopi Yannoulatos, si dhe ku ekonomia gjindet totalisht nan kontrollin e nji oligarkie tosko-greke, qi asht tuj i imponu vendit t’ jone shndrrimin n’ nji treg per mallrat greke, ose t’ bleme si dore e dyte n’ Greqi, me cmime ma t’ nalta se tregu grek.
-Se Gegnia e Republikes s’ Shqipnis, pra pjesa n’ veri t’ Shkumbinit nuk mujtet me prosperu n’ rrafsh kultural, ekonomik, institucional etj, veq pas lirimit prej okupacionit tosk, t’ kryem n’ vitin 1944, kur filloi edhe kolonizimi dhe eksploitacioni (shfrytzimi) i ksaj pjese t’ Gegnis, shka kerkon damjen e Republikes s’ Shqipnis n’ lumin Shkumbin.
-Se Gegnia n’ dy ant e kufinit nuk mujtet me jetu e dame, pasi gjeografia, historia dhe proceset politike dhe ekonomike kerkojne natyrshem bashkimin e pjeses s’ Republikes s’ Shqipnis n’ veri t’ Shkumbinit, me Kosoven, trevat shqiptare n’ FYROM, Luginen e Presheves dhe trevat shqiptare n’ Mal t’ Zi, n’ nji shtet t’ bashkum nacional.
-Se veq gegt, n’ dy ant e kufinit, kane konstitue historikisht dhe kontemporanisht, n’ rrafsh etnik, kultural dhe shtetformues, nji bashksi nacionale solide dhe me nji identitet kultural dhe shtetnor t’ veqante (tradita albane), ndersa toskt kane qene nji amalgame etnike dhe kulturale greko-vllaho-sllave.
-Se “Albanizimi”, gjegjsisht tradita e jone nacionale, kulturale, religjioze (katolike) dhe shtetnore historike e jona asht ekskluzivisht gege, tuj kene krejt e huj per toskt, t’ cillet kane traditen e Epirotizmit ortodoks dhe prohelen.
-Se toskt muslimane tash jane tuj u konvertue me shpejtsi n’ religjionin e t’ parve, Krishtenimin ortodoks grek.
Deklaron
Gegt muslimane, n’ dy ant e kufinit shtetnor gjinden para rrezikut t’ shndrrimit n’ nji tribu t’ prapambetme mjedis Europes, si dhe para rrezikut t’ eliminimit fizik dhe dbimit. N’ kto rrethana ka veq nji solucion: Me u invoku ideali alban i artikulum n’ devizen:
Nji Nacion Alban Geg, nji religjion kristian (protestant dhe katolik), nji shtet i bashkum nacional!
LRA i fton intelektualt gege, n’ dy ant e kufinit, si dhe partit politike gege:
N’ Republiken e Shqipnis:
1)Partin Demokratike
2)Partin Lvizja e Legalitetit
3)Partin Demokristiane
N’ Kosove
1)Lidhjen Demokratike t’ Kosoves
2)Partin Demokratike Shqiptare
3)Aleancen per Ardhmnin e Kosoves
4)Partin Demokristiane
N’ FYROM
1)Bashkimin Demokratik per Integrim
2)Partin Demokratike Shqiptare
3)Partin per Prosperitet Demokratik
N’ Luginen e Presheves
1)Partin Demokratike Shqiptare
N’ Mal t’ Zi
1)Lidhjen Demokratike Shqiptare
me u angazhu per ate qi ne e definojna si Rikonkuista Albane dhe qi e konceptojna si nji lvizje paqsore per riidentifikimin shpirtnor t’ gegve muslimane, gjegjsisht konvertimin e jone n’ kristiane perndimore (protestante dhe katolike), si dhe per bashkimin e Gegnis, n’ dy ant e kufinit, n’ nji shtet t’ vetem nacional alban, prej Shkumbinit, n’ Morave, prej Vardarit n’ Adriatik.
LRA i fton partit politike gege me e ba Albanizmin si bosht t’ programeve t’ veta.

Lvizja per Rikonkuisten Albane
10 qershor 2003

 

 
 

Loading...
More in Aktualitet, Rekomanduar, Zathur
Sheshi Skënderbej, ndërtimi vazhdon. Faza e dytë e projektit

Close