Home . Aktualitet . Loja e fëmijëve “hajduti dhe polici” kthehet në tragjedi, 10-vjeçari vret vëllain

Loja e fëmijëve “hajduti dhe polici” kthehet në tragjedi, 10-vjeçari vret vëllain

Loja më e zakonshme mes fëmijëve, “polici dhe hajduti”, është kthyer në një tragjedi.

Ngjarja ka ndodhur në Wisconsin ë SHBA-së, ku një fëmijë 10 vjeç ka vrarë aksidentalisht vëllanë e tij 14 vjeç.

Sipas asaj që raporton CNN, vëllezërit po luanin me një pushkë të cilës i ishte hequr karikatori.

Megjithatë në pushkë ndodhej një plumb i vetëm dhe kur vëllai i vogël tërhoqi këmbëzën e armës, plumbi e goditi vëllain më të madh në gjoks, duke i shkaktuar vdekjen.

Autoritetet kanë deklaruar se arma ishte në pronësi të babait të fëmijëve dhe mund të gjendej lehtë në shtëpi.

Sipas statistikave më të fundit dhe të përditësuara, nga viti 2012-2014, rreth 1300 fëmijë në vit janë viktima të armëve të zjarrit në SHBA. Sipas të dhënave, 82% e tyre janë meshkuj.

Mos Humbisni:
Një vit pas vdekjes së bashkëshortit, Celine Dion në krahët e një balerini

Close