LAJMI I FUNDIT
Home . Aktualitet . Meta kërkon mëshirë nga socialistët, i lutet Ruçit t’i ofrojë mbështetje, i shkon në zyrë pas seancës dëgjimore

Meta kërkon mëshirë nga socialistët, i lutet Ruçit t’i ofrojë mbështetje, i shkon në zyrë pas seancës dëgjimore

Presidenti Ilir Meta ka kërkuar dje mëshirë nga socialistët. Dje presidenti Meta u thirr si i “pandehur” në komisionin hetimor për shkarkimin e tij, ndërkohë që pritej që mbledhja të ishte një përplasje e fort mes kreut të shtetit dhe mazhorancës, pas akuzave dhe sulmeve të ndodhur gjatë këtyre muajve. Por nuk ka ndodhur aspak kështu. Seanca dje ishte një seancë mëse normale, në qoftë se e shikojmë në anën procedurale, zbatimit të rregullores dhe faktin se anëtarët e komisionit hetimor, sidomos ata të mazhorancës ishin shumë të kujdesshëm gjatë pyetjeve të adresuara për presidentin.

I pari që tregoi se ujërat po qetësohen ishte vetë kreu i shtetit. Ky i fundit në përfundim të seancës dëgjimore ka bërë një ndalesë në zyrën e kreut të Kuvendit, Gramoz Ruçi, duke treguar se po i lutet Ruçit t’i ofrojë mbështetje, në mënyrë që mazhoranca të tërhiqet nga vendimi i saj për ta shkarkuar atë nga detyrë. Sipas informacioneve, mësohet se në takimin me kryeparlamentarin kreu i shtetit shoqërohej nga tre këshilltarët e tij, Bahri Shaqiri, Bledi Dervishaj dhe Tedi Blushi. Pra, kjo lëvizje e Metës, tregon qartë se ai po e ndjen rrezikun se mund të shkarkohet, kështu që po tenton të fusë “mik” Ruçin tek Rama, në mënyrë që socialistët të mos e shkarkojnë nga posti i presidentit. Mirëpo, kjo nuk është një lëvizje e panjohur, pasi kryetari i Kuvendit brenda 4 ditësh ka dëshmuar se po “qetëson” ujërat mes kreut të shtetit dhe mazhorancës. Pak ditë më parë, Ruçi u pa në aktivitetin e zhvilluar në kuadër të 15 vjetorit të Lëvizjes Socialiste për Integrim, duke shtuar dyshimet se zyrtarë të kësaj partie gjithashtu i kërkojnë mëshirë kryeparlamentarit për Metën. Megjithatë, gazeta ka mësuar se mazhoranca e ka ndarë mendjen që t’i shkojë deri në fund shkarkimit nga detyra të presidentit Ilir Meta.

Meta “flirton” me Finon

Përveçse me kryeparlamentarin Gramoz Ruçi, Meta ka filluar të “flirtojë” edhe me deputetët e mazhorancës, në mënyrë që të shpëtojë “kokën” e tij nga shkarkimi si President i Republikës. Dje gjatë dëshmisë së tij para komisionit hetimor, kreu i shtetit shfrytëzoi një deklaratë të deputetit socialist, Bashkim Fino të bërë në Komisionin e Ligjeve, ku u rrëzua dekreti i “Për ligjin e qeverisjes vendore”, i cili është shprehur se Presidenti e ka personale me të. Por për Metën, kjo ishte një e pavërtetë e madhe, pasi konsiderata dhe respekti që ai ka parë deputetin Fino është e madhe. “Keni një perceptim sikur kam ndonjë problem personal me ju nisur nga rasti i fundit, nga mediat. Dua të siguroj se nuk ekziston asnjë shqetësim i tillë. Përkundrazi, ju gjithmonë keni qenë i preferuar nga ana ime”, deklaroi ai. Por në kundërpërgjigje deputeti Fino i tha Metës se ai është president i njëanshëm dhe se zgjedhjet i shtyu ngaqë Basha i bojkotoi ato. “Keni qenë presidenti i palshëm, i shtytë se nuk donte Lul Basha të hynte në zgjedhje”, deklaroi ai. Ndërkohë, në kundërpërgjigje Meta i bëri të qartë Finos se ai është mbi palët. Madje, për të vërtetuar se ai ka një kimi me socialistët, Meta ftoi deputetin Bashkim Fino për një kafe në Presidencë. “Bashkim Finon për një kafe me presidentin sepse jo vetëm nuk ka asgjë personale por mbetet i preferuari”, nënvizoi Meta. Megjithatë, kjo lëvizje e Metës në korridoret e politikës shihet dhe si një tentativë e tij për të përçarë grupin parlamentar socialist, konstatim të cilin më herët e kishte bërë edhe kryeministri Edi Rama.

Loading...
Mos e Humbisni
Të mbrojmë teatrin e minjve që “sfiduan” Kadri Roshin!

Close