Home . Aktualitet . Na ishte një herë e ashtuquajtura Çadra e Lirisë

Na ishte një herë e ashtuquajtura Çadra e Lirisë

Pas tre muajsh bllokimi, tashmë mund të kaloni lirisht në Bulevard. Çadra e PD-së, e cila pengonte qarkullimin e automjeteve, është çmontuar mbrëmjen e djeshme. Kjo, pas marrëveshjes së arritur mes Ramës e Bashës. Menjëherë pas çmontimit të çadrës, ndërmarrjet e Bashkisë së Tiranës filluan punën për largimin e mbeturinave të cilat kishin pushtuar bulevardin duke u kthyer edhe në burim infeksioni me rritjen e temperaturave të larta.

Siç mund të shihni edhe nga kjo video e dërguar në redaksinë tonë, automjete të ndërmarrjes së pastrimit si dhe punonjës të saj, pas heqjes së materialeve si shkopinj, qese, letra, shishe uji, kanë bërë edhe një larje me ujë të gjithë bulevardit dhe të trotuarëve në të dy anët e tij duke e pastruar nga farat dhe cigaret e shumta të hedhura në shesh. Me arritjen e marrëveshjes politike, edhe bulevardit mëngjesin e sotëm i është kthyer shkëlqimi i tij.

Mos humbisni:
5 gënjeshtrat e mëdha të Bashës në çadër

Close