LAJMI I FUNDIT
Home . Aktualitet . Argetim . Opozita nuk e njeh më “frikën”, e bëri copa BE-në, edhe Amerikën

Opozita nuk e njeh më “frikën”, e bëri copa BE-në, edhe Amerikën

PD dhe LSI,

nuk e njohin “frikën”,

e bënë copë BE-në,

edhe Amerikën!

 

Një luftë e madhe,

ka plasur këtu,

kundër Vllahutinës,

edhe Zotit Lu!

 

Në një zë Lulashi,

edhe zonja Mona,

u thonë-mos ndërhyni,

shumë në punët tona!

 

Po përmbi të gjithë,

Titi kapedan,

u kujton se jemi,

një vend krejt sovran!

 

Kurse xha Saliu,

me ajpad në duar,

na e nxori Lu-në,

dhe të korruptuar!

 

Këto përfundime,

Sali karnavali,

i ka nga Tik Llalla,

jo nga dixhitali!

 

Tani opozita,

është mbledhur grusht,

dhe thotë-se do bjerë,

dëborë në Gusht!

 

Tani në Dhjetor,

kur dhe gjethet thahen,

do të piqen fiqtë,

se Lulit i hahen!

 

Ramës ndënë këmbë,

po i dridhet toka,

se i ka bërë benë,

trimi Flamur Noka!

 

Noka-more Noka,

serbes i serbesit,

që Ramës i vjen,

poshtë rripit të mesit!

 

Poshtë rripit të mesit,

ka një biberon,

ndaj Rama-nga Noka,

nuk ka si shpëton!

 

Shteti është mbërthyer,

i gjithi nga frika,

tani që janë bashkë,

Luli dhe Monika!

 

Dashuri e madhe,

në kohë të kolerës,

saqë janë harruar,

gjithë sharjet e verës!

 

Kur Luli i ngrehur,

tek çadre’ lirisë,

strehë e maskarenjve,

i tha LSI-së!

 

Strehë e maskarenjve,

dhe tumor malinj,

po sot maskarenjtë,

s’janë aq të këqinj!

 

Tani njeri-tjetrit,

i janë bërë erashkë,

urrejtja për Ramën,

i ka bërë bashkë!

 

Dikur LSI-ja,

strehë e poshtërsisë,

tani u bë SHQUPI,

strehë e LSI-së!

 

Përmbytjet mbaruan,

dhe nuk u bë nami,

por nga opozita,

po pritet cunami!

Arben Duka

Komento
Loading...
Mos e Humbisni
Ku i gjen paratë PD, që paguan Aurelën, të bëj xhiro me Lulin në Londër?!

Close