LAJMI I FUNDIT
Home . Aktualitet . Pas braktisjes së skenarëve destabilizues nga Basha, Moska të gjithë vëmendjen te Ilir Meta! Ja qokat e mediave ruse ndaj presidentit

Pas braktisjes së skenarëve destabilizues nga Basha, Moska të gjithë vëmendjen te Ilir Meta! Ja qokat e mediave ruse ndaj presidentit

Presidenti Ilir Meta vijon të jetë në qendër të mediave ruse. Edhe pse numri i politikanëve shqiptarëështë shumë i lartë, ai që gjen pasqyrim pothuajse të përditshëm te to është kreu i shtetit. Zërat se në Presidencë fryn era ruse kanëqenë të pranishme prej shumë kohësh. Socialistët akuzojnë presidentin se bashkë me Berishën nxitën përplasje civile dhe po bëjnë gjithçka që të mos hapen negociatat.

Por nëse u referohemi raporteve ndërkombëtare, të gjitha institucionet dhe përfaqësues të lartë në NATO apo SHBA shprehen se të vetmit shtet që nuk i intereson integrimi i Ballkanit është Rusia. Pra lidhja mund të bëhet fare lehtë. Por edhe pse nuk janë përcaktuese, mediat ruse tregojnë disi se kë pëlqen Moska. Nëse bëjmë një kontroll të shkrimeve që mediat ruse kanë bërë për Metën, Ramën apo Bashën, presidenti është në krye. Për më tepër, në shkrime atij i bëhen qoka, i thuren elozhe dhe kjo ndodh edhe në media që varen nga qeveria.

Mediat ruse

Artikulli më i fundit ka ardhur nga “Sputnik”, agjencia ruse e lajmeve. Kjo media ka arritur deri aty sa ka bërë shkrim për vizitën e Metës në Estoni pak ditë më parë. Madje lajmi përmban jo detajet e vizitës, por lajmërimin e Presidencës ditë më parë se Meta do udhëtonte drejt Estonisë. “Për herë të parë gjatë ekzistencës së Estonisë së pavarur, një politikan i nivelit të lartë nga Shqipëria do zhvillojë një vizitë zyrtare. Të hënën në mbrëmje, 30 shtator, Presidenti i Shqipërisë Ilir Meta do të fluturojë për në Talin. Ilir Meta do të vizitojë gjithashtu ekspozitën e Estonisë, Qendrën e Bashkëpunimit për Mbrojtjen Kibernetike të NATO-s dhe Shkollën e Diplomatëve të Estonisë. Shqipëria, së bashku me Kosovën dhe Bosnjë-Hercegovinën, janë vendet e vetme në Evropë me një popullsi kryesisht myslimane. Shqipëria është një nga vendet më të varfra të Evropës. Që nga viti 2009, Shqipëria ka qenë anëtare e NATO-s”, thuhet aty. Më tej bëhet e ditur se Kosova dhe Shqipëria janë duke menduar Shqipërinë e Madhe dhe kjo shihet me shumë tension nga Moska. Një tjetër media që ka kushtuar rëndësi vizitës së Metës në Estoni është “Rus.erre.ee”. Ajo ka dhënë detaje nga takimi i tij me kryeministrin estonez. “Estonia mbështet zgjerimin e vazhdueshëm të BE-së dhe hapjen e negociatave për pranimin e Shqipërisë në bllokun ekonomik. Kjo u njoftua nga Kryeministri Juri Ratas në një takim në Talin me Presidentin e Shqipërisë, Ilir Meta, i cili për herë të parë vizitoi Estoninë”, thuhet në shkrim.

Skenarët e Metës

Gazeta e ka theksuar disa herë se skenarët destabilizues që tentoi opozita nuk i shërbenin integrimit, por atyre që duan bllokimin e integrimit. Por lojës së opozitës ju bashkua dhe presidenti Ilir Meta. Përmes dy dekreteve, ai shtyu zgjedhjet dhe përcaktoi një datë të re duke e tensionuar situatën dhe duke e futur vendin në një krizë të fortë politike. Por fakti që në mediat ruse gjejnë hapësirë vetëm presidenti dhe opozita shqiptare do të thotë shumë. Meta doli kundër amerikanëve për kufirin Kosovë-Serbi. Po ashtu i sulmoi ata për reformën në drejtësi dhe nuk i ndal kritikat. Madje arriti deri aty, sa dy ditë më parë i cilësoi ndërkombëtarët palaço. Nga ana tjetër, Meta është i vetmi që nuk flet kundër rusëve dhe duket se mediat e Putinit kanë simpati për të. /Kliti Topalli

Loading...
More in Aktualitet, Kryesore
Deputetë, ministra e ish-ministra në ankth, shkon në 8 numri i prokurorëve të SPAK, zyrtarja e SHBA paralajmëron tërmet nga Byroja e Hetimit

Close