LAJMI I FUNDIT
Home . Aktualitet . Rajoni . Policia greke kap peshkarexhën me 1.3 ton kanabis çokollat qipriote (Video)

Policia greke kap peshkarexhën me 1.3 ton kanabis çokollat qipriote (Video)

Autoritetet greke kanë sekuestruar një ngarkesë të madhe droge që po transportohej me një peshkarexhë në Kretë.

Në bordin e anijes, sipas mediave greke, deri tani janë sekuestruar 1.3 ton kanabis e llojit çokollatë, por mendohet se mund të ketë akoma dhe më shumë.

Katër shtetas sirianë u arrestuan, teksa qëndronin brenda në peshkarexhë.

“Protothema” ka publikuar pamjet e aksionit në det të forcave speciale greke, që ndaluan peshkarexhën. Ata kishin marrë informacion se kjo anije peshkimi po tranportonte kanabis dhe po e mbanin nën vëzhgim, deri ditën e premte kur u zhvillua operacioni.

Pamjet tregojnë skafin e policisë greke, i cili ndjek peshkarexhën dhe ngjitjen e oficerëve të policisë në bordin e saj për të marrë kontrollin.

Sipas informacioneve të shtypit grek, peshkarexha mendohet të jetë nisur nga Qipro me destinacion portin e një vendi evropian.

Komento
Loading...
Mos e Humbisni
Ne, lehësit dhe Kryelehësi!

Close