LAJMI I FUNDIT
Home . Aktualitet . Blog . Që 13 milionë eurot, t’i gëzojë Lulzim Basha…

Që 13 milionë eurot, t’i gëzojë Lulzim Basha…

Nga Mero Baze

 

Vjerrit të Lulzim Bashës I takojnë 13 milionë euro për pallatin e prishur. Ndoshta vlera është rritur pak nga Gjykata e Strazburgut, por në mos 13 milionë, 11 milionë ai pallat vlenë. Ishte mbi det, në një pozicion fantastik, edhe pse shkatërronte gjithë shetitoren buzë detit të  Vlorës dhe të ofronte komoditetin ta kishe shtëpinë në zemër të një zone turistike.

Kështu që nuk ja vlen të bëjmë debat për drejtësinë e vendimit të Gjykatës së Strazburgut.

Ai pallat afërsisht aq vlen . Është një pasuri konrkete, e prishur nga qeveria për interes publik.

Problemi I atij pallati është tjetërkund dhe po shmanget qëllimisht nga debati publik. Investitori I atij pallati është Xhafer Isufi, vjeri I Lulzim Bashës. Xhafer Isufi është një burrë I mirë nga Labëria, ka qenë ushtarak, me profesioin teknik ndërlidhës, dhe është liruar nga ushtria në vitet 90. Ka punuar një kohë si shef sigurie I kompanisë VEFA, pasi merrte vesh nga radiot dhe gruaja e tij ishte mbesë e Vebi Alimuçaj.

Më pas është marrë me punë të vogla për të mbijetuar. Në vitin 2004 ka paraqitur kandidaturnë për tu bërë anëtar I KKRT (Sot AMA), në emër të Partisë Socialiste, por nuk fitoi përballë Halil Lalaj. Si gjithë ish ushtarakët vjen nga një familje e majtë, me tendenca ekstreme. Xhaxhain e tij e patë arrestuar Sali Berisha si kryetar të një partie komuniste në ilegalitet në vitin 1996. Nuk ka qenë I pasur deri në vitin 2005, kur dhëndëri I tij u kthye nga emigracioni dhe u bë ministër.

Në vitin 2009 ai rregjistron papritur një shoqëri ndërtimi dhe më 2010 merr leje për të ndërtuar këtë kompleks turistik në Vlorë.

Tani që Vetingu për gjyqtarë , prokurorë e policë ka nisur, tani që po u kërkohet të deklarojnë me çfarë paresh kanë blerë mobiljet, kostumet, me çfarë kanë shkolluar fëmijët etj., kryetari formal I opozitës së Shqipërisë ja ka detyrim popullit shqiptar, sidomos atij opozitar,  të thotë me çfarë paresh, fare papritur, vjerri I tij nisi një investim vlera e të cilit në finale shkoi 13 milionë euro. Kjo është shumë serioze. Është sa gjithë buxheti I reformës në drejtësi.

Është provë faktike që vjerri I tij, nga një  kapter I papunë, u gdhi investitorë prej miliona eurosh. I vetmi ndryshim në jetën e tij familjare, ishte se dhëndëri I tij u kthye nga emigracioni dhe u bë ministër. Investimi ka nisur një vit pasi Lulzim Basha u akuzua për shpëdorime të 220 milionë eurove në Rrugën e Kombit.

Tani nëse në këtë vend do të ketë ndonjëherë drejtësi, apo hetim të pasurisë së politikanëve, ky është rasti më përfaqësues, ku duhet të shfletohet çdo faturë, çdo transakison dhe çdo pagesë që ka prodhuar një pasuri 13 milionë euro për vjerrin e një politikani të akuzuar për korrupsion.

Lulzim Basha nuk ka lënë gjë pa thënë për kudnërshtarët e vet, nuk ka lënë fantazi pa shfrenuar se si ata vjedhin apo pausorohen, dhe mirë ka bërë nëse e ka bërë për interes publik. Por tani është në një telash të madh. Përpara se qeveria shqiptare t’ia rimbursoj ato 13 milionë euro për vjerrin e tij, është e domosdoshme që ai vet I pari të bëj Vetingun e pareve të vjerrit. Të provojë që vjerri I tij e ka pasur së paku milionshin e parë të investimit në atë kompleks turistik nga I cili po përfiton 13 milionë euro nga qeveria shqiptare. Po I lë mënjanë zaptimin e tokës, ndërtimin në det, dhe gjithë harbutllëqet e tjera në emër të pushtetit. Po e quaj dhe unë si Edi Rama ndërtim të ligjshëm, edhe pse kam luftuar qysh në themelet e atij pallati për tu prishur. Por paret duan deomos transparencë. Duan trasprencë pasi I zoti real I pareve, po përpiqet tu shfaqet shqiptarve si kalorës i luftës kundër kriminalizimit të politikës. Rast më flagrant se ky unë nuk di.  Nëse ai vërtet do ti gëzoj ato pare, ai duhet të bëj vet I pari Vetingun e pasurimit të vjerrit, siç po e bëjnë gjyqtarë, prokurorë policë e kushdo tjetër me pozita publike. Nëse nuk e bën ai , duhet ta bëj prokuroria. Gjyqin e ka të fituar, paret aty janë mund ti marri kur të doj. Por duhet të provoj se janë të tij, e jo paret që ua ka marr nga xhepat shqiptarëve. Duke vjedhur si ministër!

Komento
Loading...
Mos e Humbisni
Asgjë e re nga fronti i shpifjes!

Close