LAJMI I FUNDIT
Home . Aktualitet . Blog . Rama e çoi Metën në “Venecia” pasi e dinte përgjigjen për shkarkimin e presidentit

Rama e çoi Metën në “Venecia” pasi e dinte përgjigjen për shkarkimin e presidentit

Nga Ardit Rada

Vetëm disa ditë pasi Kuvendi i Shqipërisë i dërgoi letër lidhur me procedurat për shkarkimin e presidentit të Republikës, Komisioni i Venecias e ka vendosur në axhendë shqyrtimin e saj. Ndërsa sot, organi i lartë ka njoftuar edhe vizitën e një delegacioni në Tiranë në datat 9-11 Shtator.

Është e qartë sesi Komisioni nuk kërkon të humbasë më kohë për të shqyrtuar çështjet në fjalë dhe vizita e tyre pritet të shoqërohet edhe me opinionin e kërkuar për shkarkimin e Ilir Metës.

Burime nga sferat e larta të Drejtësisë i thanë JavaNews se Venecia pritet ta vulosë fatin e Presidentit të Shqipërisë me një interpretim që lidhet me shkeljet kushtetuese.

Të njëjtat burime thanë se mazhoranca dhe Edi Rama e kanë marrë parasysh paraprakisht opinionin e Komisionit, i cili do të shprehet për mbivendosje kompetencash nga Meta si dhe ‘shpikje’ çdekretimesh.

Për Komisionin e Venecias janë hartuar 8 pyetje te cilat kërkohet përgjigje sa i përket vendimeve të Meta. Piritet që organi i lartë i Këshillit të Europës, pra Venecia, ta gjejë si të paligjshme lojën që Meta bëri në fund të vitit 2018 me dekretet për ndryshimet në qeveri, duke tejkaluar afatet ligjore.

Nga ana tjetër, Venecia pritet t’i konsiderojë vendimet dhe veprimet e Presidentit si një tejkalim kompetencash. Një rast i tillë është edhe anulimi i zgjedhjeve të 30 Qershorit ku në dekret nuk përmendet një datë e re zgjedhjesh, thanë burimet për JavaNews. Këtë “gafë” Meta e korrigjoi me një dekret të tretë duke shpallur 13 tetorin.

Gjithsesi përgjigjet e Venecias do të bëhen publike gjatë vizitës së tyre në Tiranë ku krahas takimit me Komisionin Hetimor, delegacioni do të dëgjojë edhe argumentimin e Metës në zyrën e këtij të fundit.

Komento
Loading...
Mos e Humbisni
Të mbrojmë teatrin e minjve që “sfiduan” Kadri Roshin!

Close