LAJMI I FUNDIT
Home . Aktualitet . Bota . Reagimet e Merkel dhe Rusisë për deklaratën e Macron: NATO-s po i vdes truri!

Reagimet e Merkel dhe Rusisë për deklaratën e Macron: NATO-s po i vdes truri!

Emmanuel Macron deklaroi një ditë më parë në një intervistë dhënë prestigjozes “The Economist” se Nato-s po i “vdes truri” ndërsa shtoi se Shtetet e Bashkuara të Amerikës po i kthejnë shpinën aleatëve të tyre europiane.

Shefi i Elizesë u shpreh se SHBA-ja dështoi të konsolidonte përkushtimin e saj ndaj Aleancës Veriatlantike, ç’ka u pa sipas tij edhe me vendimin e saj për të tërhequr trupat amerikane nga Siria Veriore, pa u konsultuar më parë me aleatët.

Por Angela Merkel u shpreh se nuk pajtohej me “fjalët drastike” të Macron. “ Ky nuk është aspak këndvështrimi im përsa i takon bashkëpunimit brenda Nato-s. Edhe nëse kemi vërtet probleme e nëse na duhet që ta galvanizojmë në mënyrë efikase këtë organizatë”, deklaroi shefja e ekzekutivit gjerman.

“ Nga perspektiva gjermane, Nato është në interesin tonë. Është aleanca jonë ë sigurisë”, ka shtuar ajo. Ndërkohë Rusia, e cila e sheh NATO si një kërcënim për sigurinë e saj, i mirëpriti komentet e presidentit francez si “fjalë të vërteta”.

E Ndërsa NATO feston 70 vjetorin e themelimit, zyrtarë të lartë brenda saj janë shprehur se misioni do të vazhdojë dhe se aleanca mbetet e fortë. /Top Channel

Loading...
More in Bota
Protestuesit tërheqin kryebashkiaken në rrugë, i presin flokët dhe e lyejnë me bojë

Close