LAJMI I FUNDIT
Home . Aktualitet . Argetim . Ti Sali, i pari…

Ti Sali, i pari…

Po si s’t’u mbyll goja,
o Sali katrani,
ende s’e kupton,
ç’të ka bërë Sovrani?!

S’e kupton or qyq,
si të ka zënë flama,
të hodhi Sovrani,
nuk të hodhi Rama!

Të kam thënë kaq herë,
Ramën kot e shan,
populli të shkuli,
or ti Kapidan!

Dikur Nastradini,
s’kish ç’bënte gomarit,
edhe nga tërbimi,
i binte samarit!

Më kot e shan Ramën,
më kot o zullap,
se vetëm me popull,
e ke çdo hesap!

Siç e meritoje,
ai të shpërbleu,
një biletë për ikje,
në Qershor ta preu!

Populli ta preu,
në një rebelim,
një biletë për ikje,
domethënë pa kthim!

Po ti s’e kupton,
ende këtë punë,
kishe mbjellë erën,
ndaj mbolle furtunë!

Je pa krahasim,
në budallallëk,
dhe në fund të gropës,
na bën karshillëk!

Rebelimi ynë,
keq ta nxorri bojën,
më e pakta është,
që ta mbyllësh gojën!

Ti Sali i pari,
dhe të gjitha zgjyrat,
se këtu i bëtë,
të gjitha mynxyrat!

Vodhët dhe plaçkitët,
gjë në këmbë s’latë,
për të sosur vjedhjet,
edhe njerëz vratë!

Një pamje të tillë,
veç tek ju kam parë,
kokë e këmbë të zhyer,
dhe sërish krenarë!

Ju që bëtë Janarin,
plot me vello zie,
ç’problem mund t’i kini,
ca shtëpi ushtrie!

Ca shtëpi ushtrie,
nuk vlejnë asgjë,
se shteti që vret,
s’di të ndalet më!

Ai që mbi popull,
nuk kursen as plumbin,
gjer në fund të fundit,
e shpie zullumin!

Këta veç me djallin,
në një djep janë tundur,
duan që të ardhmen,
ta bëjnë të pamundur!

Duan të lënë mbrapa,
një fushë të minuar,
se janë dhe kanë qënë,
armiq të betuar!

Më kot e shan Ramën,
më kot o satrap,
përpara Sovranit,
do japësh hesap!

Krimet në të gjallë,
duhet që t’i lash,
them se këtë radhë,
s’ke se nga t’ja mbash!

Komento
Mos Humbisni:
Horoskopi ditor, e mërkurë 8 nëntor 2017

Close