Jasir Asani duket se po jeton momentin më të mirë në karrierën e tij. Goli që shënoi ndaj Polonisë në “Air Albania” padiksutim e ka ngritur në piedestal. Një supergol që do të mbahet mend gjatë nga të gjithë tifozët anembanë botës.
Në një postim të “Arena Sport Shqip” shkruhej: “Jasir Asani u ftua me kombëtaren Shqiptare për herë të parë në moshën 28 vjeç, ndërkohë disa lojtarë ne moshën 20 vjeç zgjedhin kombëtaret e huaja sepse nuk duan të presin. Ky njeri është shembull për çdo lojtarë, dhe durimi i tij po i shpërblehet”.
Ndërkohë një tifoz me emrin, Klaus Montoise ka komentuar se lojtarët e talentuar zgjedhin të largohen nga Shqipëria për të luajtur për kombëtare të huaja ku sipas tij mundësitë janë më të mëdha.
