Anëtari i Kryesisë së PD-së, Roland Bejko ka dalë me një deklaratë të fortë në rrjetet sociale. Teksa i kujton Ibsen Elezit fjalimin e tij në Kuvendin Kombëtar të PD-së disa vite më parë, e kritikon për vendimin e tij për t’iu bashkuar Sali Berishës.
Kur miku im që e dua shumë, Ibsen Elezi nga Kuksi, në Kuvendin Kombëtar të PDSH para disa vitesh po i hiqte pelevreqet statutit të hartuar nga ata që sot i janë bashkuar Foltores, duke iu drejtuar disa herë për ndihmë publikisht z. Berisha për ti dhënë PD dhe demokratëve një statut demokratik, ky heshtëte. I pëlqente Basha dhe projekti i tij.
Po kush ishin anëtarët e komisionit të hartimit të statutit dhe drejtimit të kuvendit, ose ndryshe avokatët e statutit të kritikueshëm nga z. Elezi?!
Pikërisht ata që sot po merren me gjasme rithemelimin e një partie demokratike të re, dje përgjegjës të drejtëpërdrejtë për hartimin e një statuti problematik; Edmond Spaho, Edi Paloka, Albana Vokshi, Gent Malko, Arben Ristani, si dhe anëtarët e grupit të hartimit të statutit Eno Bozdo, Oerd Bilbashi, etj.
Pra Basha, punët e mira dhe punët e këqija nuk i ka bërë vetëm, por me këta që sot gëlthasin si “virgjëresha” të pafajshme duke idendifikuar si fajtor të dështimeve vetëm këtë të fundit, Luzim Bashën.
Këtu fillon dhe mbaron edhe morali.
Madie këtu në fjalën e tij të qartë, të guximshme, prej trimi e demokrati të vërtetë, z. Elezi flet keq edhe për Ben Ristanin e Flamur Nokën, por sot Ai dhe të gjithë këta janë bashkë, uqrit me delen nën një çati.
Kjo është metamirfozë interesash për karrierë personale dhe jo betejë parimesh zotërinj të nderuar.
Z. Elezi për mendimin tim duhet të kish refuzuar bashkimin me ta. Trimi i mirë është i vetëm në luftë. Ai me shokë shumë në luftë, nuk është trim, është i zakonshëm.
