Kreu i shtetit Ilir Meta vijon të bëjë propagandë kundrejt vendit tonë, sa i përket integrimit në BE.
Përmes një postimi në rrjete sociale ai bën me dije se ka pritur në takim sot ambasadoren e re të Francës në Shqipëri, Elisabeth Barsacq, ku në fokus ka qenw integrimi.
“Pranova me shumë kënaqësi Letrat Kredenciale të Ambasadores së re të Francës në Shqipëri, Sh.S.Znj. Elisabeth Barsacq. Vlerësova marrëdhëniet shumë të mira tradicionale dhe politike me Francën dhe e falënderova për mbështetjen e pakursyer e të sinqertë të dhënë në avancimin e Shqipërisë në procesin e integrimit europian.
Theksova se vendimi politik i Këshillit Europian i marsit për çeljen e negociatave të anëtarësimit me Shqipërinë dhe Maqedoninë e Veriut është një mundësi historike për përparimin drejt Bashkimit Europian”, shkruan Meta.
Mirëpo edhe në këtë takim presidenti nuk ndalet duke thënë se vendi jonë sipas tij është larg përmbushjes së kushteve për konferencën e parë ndërqeveritare. Ndrëkaq vihet re se të dy janë pa maska.
“Vura në dukje se, fatkeqësisht, Shqipëria është ende shumë larg përmbushjes së kushteve që kërkohen për zhvillimin e Konferencës së Parë Ndërqeveritare, pasi kushti i parë kyç, reforma zgjedhore konsensuale, që do duhet t’i paraprijë zgjedhjeve të lira dhe të ndershme, u prish në mënyrë të njëanshme nga mazhoranca me ndryshimet e njëanshme të Kushtetutës dhe Kodit Zgjedhor.
Inkurajova rritjen e investimeve franceze në Shqipëri dhe, në këtë kuadër, shpreha besimin se hyrja në fuqi e Marrëveshjes me Agjencinë Franceze të Zhvillimit (AFD), do t’i japë një shtysë të rëndësishme projekteve zhvillimore në vendin tonë”, shton Meta.
