Ilir Meta ka shtuar shantazhin ndaj Gjykatës Kushtetuese para gjyqit për shkarkimin e tij. Në datën 1 shkurt do të mbahet seanca e parë për shkarkimin e tij dhe presidenti Ilir Meta ka shfrytëzuar vendimin për zgjedhjet vendore të 30 qershorit të vitit 2019 për të ushtruar presion ndaj Fiona Papajorgjit dhe Vitore Tushës.
Kllouni Ilir Meta nuk e di se është në shkelje të fundit të Kushtetutës sepse nuk ka asnjë kompetencë ligjore as ai dhe as KLP për të gjykuar vendimet e anëtarëve të GJk dhe trupit gjyqësor të GJK.
Me ndihmën e këshilltarëve të dënuar nga drejtësia, të cilët japin këshilla aq sa u ka mësuar Monika, të tipit Bledar Dervishi, i ka dërguar një shkresë Kolegjit të Posaçëm të Apelimit, ku kërkon të nisë procedimi disiplinor për anëtarët e Gjykatës Kushtetuese.
Meta, pretendon se është shkelur ligji duke zgjedhur gjyqtare Fiona Papajorgjin relatore të çështjes duke i’u drejtuar kolegjit të apelimit që nuk ka asnjë kompetencët të gjykojë gjykatën supreme.
Nga ana tjetër, ai ka kërkuar indirekt hetim edhe për kryetaren në detyrë të Gjykatës Kushtetuese Vitore Tusha. Kjo e fundit, ka një rol kyç në gjyqin për shkarkimin e presidentit Ilir Meta pasi vota e saj përcakton balancën. Meta ka vetëm dy vota të sigurta dhe nëse Vitore Tusha voton për shkarkimin e tij, kemi një rezultat 5 me 2 duke miratuar kështu kërkesën e Kuvendit.
Duket se kjo gjë ka trembur presidentin Ilir Meta i cila ka nisur presionet ndaj anëtarëve të Gjykatës Kushtetuese. Meta kërkon nga KPA të hetojë nëse Tusha ishte ajo që vendosi Papajorgjin relatore.
“Në dosje nuk evidentohet ndonjë procesverbal i datës 3.12.2019, mbi hedhjen e shortit për rishortimin e kësaj dosjeje. As ndonjë urdhër i kryetarit të Gjykatës Kushtetuese për caktimin e relatores për çështjen.
Pra është tërësisht e paqartë dhe e pazbardhur se si i është caktuar zonja Fiona Papajorgji si relatore për këtë dosje. Duke prezumuar kështu faktin që, ose zonja Papajorgji ka shprehur dëshirën, ose është caktuar nga kryetarja e Gjykatës si relatore e çështjes, pa hedhur një procedurë shorti si kërkesë taksative e ligjit.
Ky fakt meriton një hetim të plotë disiplinor”, thuhet në kërkesë. Po ashtu ai këmbëngul te fakti që gjyqtarja ose e ka marrë vetë dosjen, ose ja ka caktuar kryetarja, duke treguar se inati i presidentit është me Vitore Tushën.
“Nëse këto veprime kanë qenë me dashje apo të paramenduara, apo për shkaqe të tjera , kjo do të duhet të jetë pjesë e hetimit disiplinor të gjyqtarit, qoftë të atij që ka shprehur dëshirën apo ka pranuar dosjen, qoftë dhe të mënyrës së caktimit nga Kryetari”, thuhet në kërkesë.
Presidenti duket se po lufton fort që të prishë balancat në Kushtetuese dhe objekt sulmi ka qenë zonja Papajorgji, e cila është votuar nga Kuvendi. Meta në dokument tregon hapur se sulmon gjyqtaren sepse ajo ka qenë kundër kalimit të çështjes në seancë plenare.
